ტეხასის ტექნიკურ უნივერსიტეტში მეხანძრეებისთვის ინოვაციური ჩაფხუტი შექმნეს

მიუხედავად იმისა, რომ მეხანძრეებს განსაკუთრებით რთული მოვალეობა აკისრიათ, ყოველთვის სათანადოდ დაცულები არ არიან თავიანთი აღჭურვილობით. აქ ძირითადი აქცენტი ჩაფხუტზეა, რადგან მისი ერთი ვერსია ხანძარსაწინააღმდეგოა, მეორე კი ბალისტიკისთვისაა განკუთვნილი — სხვა სიტყვებით, არ არსებობს ისეთი მოდელი, რომელიც ორივესგან ერთდროულად დაიცავს ადამიანს.

ახლა კი ტეხასის საშინაო უსაფრთხოების დეპარტამენტთან თანამშრომლობით, ქვეყნის ტექნიკურმა უნივერსიტეტმა (TTU) სრულიად ახალი ჩაფხუტი შეიმუშავა, რომელიც თერმულ და ბალისტიკურ დაცვას აერთიანებს. პროექტის ფარგლებში კევლარის ბოჭკოები გამოიკვლიეს — მასალა, რომელიც დნობას 560°C-ზე იწყებს და დიდი ხანია, ბალისტიკურ ჩაფხუტებსა თუ ჯავშანჟილეტებში გამოიყენება. ამავდროულად, შეისწავლეს პოლიესტერის ფისები, ასევე მაღალი ტემპერატურის გამძლეობით.